Фудбалскиот клуб Вардар денеска почна со подготовки во тренинг кампот во Хиподром, а Комитите, но и дел од вработените од маркетинг секторот, не добиле дозвола да влезат во кампот. Поради ова, Комитите најавија дека ќе го блокираат влезот и излезот.
„Денес од страна на извршниот директор Миленко Неделковски, беше денесена одлука со која се забранува влез на официјалните лица на Маркетинг тимот на клубот, спротивно на договорот потпишан помеѓу ,,здружението 35 години Вардарци” и сопственикот Атила Бижен Жалили.
Поради тоа, во моментот се случува блокада на тренинг кампот, а целта на собраните е целосно почитување на одлуките произлезени од договорот, од страна на извршниот директор Миленко Неделковски“, објавија Комитите, кои во моментот раководат и со фејсбук страната на ФК Вардар, која од новото раководство е „прогласена“ за нелегитимна.
