Два клуба од Премиер – лигата покажуваат интерес за играчот од средниот ред на Јувентус, Даглас Луис, пренесува „Скај Спортс“. Според изворот, самиот фудбалер е позитивно расположен за можноста да се врати во англиската елита. Јувентус, пак, размислува да го испрати на позајмица со задолжителна опција за откуп на договорот.
Бразилскиот репрезентативец се приклучи на „старата дама“ минатото лето со трансфер од Астон Вила, за кој италијанскиот клуб плати околу 25 милиони евра. Во договорот беа вклучени и двајца играчи на Јувентус, Енцо Баренечеа и Самуел Ајлинг-Џуниор, кои ја зголемија вкупната вредност на трансферот.
Сепак, Даглас Луис не успеа да ги оправда очекувањата во првата половина од сезоната на „Алијанц стадион“. Проблемите со адаптацијата и серијата повреди му попречија да се наметне во новиот тим. Ова доведе до зголемени шпекулации за иднината на 26-годишниот играч од средниот ред.
