Македонскиот интернационалец Диме Димов од првенството на Бугарија се сели во далечната Индонезија. Тој потпиша шестмесечен договор со Персебаја и ќе се обиде на овој клуб да му помогне во трката за шампионската титула.
„Ја прифатив понудата на Персебаја, затоа што се работи за одлично организиран клуб кој има шампионски амбиции. Потпишав до крајот на сезоната, а голема улога во овој трансфер има Горан Ганчев, кој овде е вистинска легенда во неколку клуба. Персебаја има само еден бод заостанување во трката за титулата и ќе се трудиме да го освоиме трофејот“, изјави Диме Димов за Макфудбал.мк.
