Манчестер Јунајтед и Интер покажуваат интерес за голманот на Наполи, Алекс Мерет, тврди „Скај Спортс“. 27-годишниот фудбалер има договор со „наполитанците“ до крајот на сезоната, а засега не се разговара за негово продолжување.
Двата клуба веќе испратиле конкретни побарувања до Мерет.
Интер располага со Јан Зомер и со Хосеп Мартинес, при што Швајцарецот е на крајот на својата кариера. На „Олд Трафорд“, прв голман е Андре Онана, додека вториот голман, Алтај Бајндер, ќе го напушти клубот бидејќи не сака да биде резерва.
Алекс Мерет е дел од Наполи од 2019 година, кога беше доведен од Удинезе.
