Атлетик Билбао го клекна Реал на колена, Мбапе повторно промаши пенал (ВИДЕО)

„Кралевите“ паднаа на колена во Билбао. Тимот на Карло Анчелоти не ја издржа пеколната атмосфера на „Сан Мамеш“ и загуби со 2-1, па сега повторно е на -4 во однос на Барселона, а има еден одигран натпревар помалку.

Килијан Мбапе повторно беше трагичар за Реал, откако не успеа да реализира пенал, вторпат оваа сезона.

Атлетик Билбао поведе со голот на Беренгер во 53.минута, а потоа Мбапе пропушти да реализира пенал во 68.минута.

Десет минути подоцна Џуд Белингам израмни на 1-1, но само две минути подоцна Горка Гурузета постигна победнички гол за Атлетик Билбао.