Ѕвездата на Баерн Минхен, Џамал Мусијала, наскоро ќе потпише нов договор со клубот, откако постигна целосен договор со раководството.
Според информациите, 21-годишниот офанзивен играч за врска ќе се обврзе на нов петгодишен договор, со кој ќе заработува 25 милиони евра годишно, што е вкупно 125 милиони евра до јуни 2029 година. Неговиот тековен договор важи до јуни 2026 година, со годишна плата од 8 милиони евра.
Мусијала пристигна во Баерн Минхен од Челси во 2019 година, а веќе следната година дебитираше за првиот тим. Од тогаш, тој одигра 174 натпревари за Баерн во сите натпреварувања, постигнувајќи 50 голови и 35 асистенции. Во тековната сезона, Мусијала има 10 настапи и шест постигнати голови.
На меѓународно ниво, овој талентиран фудбалер има 36 настапи за германската репрезентација, постигнувајќи шест гола и осум асистенции.
