Бојан Миовски во тимот на месецот во Ла Лига (ФОТО)

Бојан Миовски продолжува да импресионира со своите настапи во дресот на Џирона, а неговата одлична форма во шпанската Ла Лига му донесе уште едно големо признание – избор во идеалниот тим за месец ноември.

Македонскиот напаѓач блесна на натпреварот против Еспањол, постигнувајќи два гола и додавајќи асистенција, што го издвои како еден од најдобрите играчи во тој натпревар. Благодарение на ваквите перформанси, тој заслужено се најде во „дрим-тимот“ на Ла Лига за ноември, заедно со своите соиграчи од Џирона – Хил, Мартинез и Гутиерез.

Во нападот, Миовски го дели местото со хрватскиот напаѓач Анте Будимир од Осасуна, додека средниот ред го предводат две од најголемите имиња на Барселона, Дани Олмо и Рафиња.