Голманот на Реал Мадрид, Тибо Куртоа, ги сподели своите мисли за тешкиот старт на напаѓачот Килијан Мбапе во мадридскиот клуб.
„Дали Мбапе поминува низ тежок период? Не е прашање на недостаток на професионализам или желба. Ова е слично на тоа што ми се случи и мене кога се приклучив на тимот. Постојат моменти кога едноставно не оди.
Не значи дека помалку се трудиш или вложуваш напор. Треба да останеш смирен и да продолжиш. Неопходен е еден пресвртнички натпревар, кој ќе биде момент на пробив, и уверен сум дека тоа ќе се случи. Се надевам дека голот против Хетафе ќе му даде самодоверба да постигне три гола на следниот меч против Атлетик“, изјави белгискиот голман.
Мбапе досега има постигнато осум гола и една асистенција на 13 натпревари во Ла Лига оваа сезона. Во пет натпревари од Лигата на шампионите, Французинот има еден гол и една асистенција.
