Манчестер Јунајтед го декласира Евертон со 4-0 на дебито на новиот менаџер Рубен Аморим на „Олд Трафорд“ во Премиер – лигата. Португалскиот стратег претходно имаше меч на домашен терен и против Бодо/Глимт во Лига Европа, кој исто така го доби со 3-2.
Маркус Рашфорд и Џошуа Зиркзе постигнаа по два гола, а Амад Дијало и Бруно Фернандеш забележаа по две асистенции, а Манчестер Јунајтед делуваше навистина разиграно.
Челси оствари важен триумф од 3-0 против Астон Вила на „Стемфорд бриџ“. Николас Џексон во седмата минута донесе водство, Енцо Фернандез зголеми на 2-0, а третиот гол го постигна Кол Палмер во 83.минута.
Тотенхем и Фулам ремизираа 1-1. Бренан Џонсон во 54.минута обезбеди предност за Тотенхем, но израмни Том Керни, кој подоцна доби и црвен картон.
