Флорент Рамадани донесе триумф за Шкендија во Битола

Шкендија успеа да оствари триумф (0-1) на гости против Пелистер во Битола и се врати во водечкото трио на табелата во Првата лига. Стрелец на победничкиот гол за тетовскиот тим беше Флорент Рамадани во 36.минута, кога успеа да го пронајде патот до мрежата на домаќинот.

Во финишот, Пелистер можеше до израмнување. Шутот на Мирко Ивановски беше изблокиран, а во вториот обид неуспешен беше Фернандињо.

Во еден неизвесен натпревар, Шкендија сепак беше за нијанса подобар тим и успеа да стигне до трите бода. Ова е прв пораз за Пелистер пред домашната публика.