Хари Кејн го презеде рекордот кој досега беше во сопственост на Ерлинг Хaланд, откако на натпреварот против Аугсбург постигна хет-трик (3-0), со што стана играчот кому му беа потребни најмалку натпревари за да стигне до 50 голови во германското првенство.
Два прецизно изведени пенали и еден гол во петтата минута од судиското продолжение беа 48., 49. и 50. гол на Кејн во Бундес-лигата. За овој подвиг му беа потребни само 43 натпревари, а дури ни одлично расположениот голман на Аугсбург, Недељко Лабровиќ, кој имаше 11 одбрани, не успеа да го спречи.
Досегашниот рекордер, напаѓачот на Манчестер Сити, Ерлинг Халанд, кој во минатото го носеше дресот на Борусија Дортмунд, го постави рекордот со 50 голови во 50 натпревари во Бундес-лигата.
Кејн пристигна во Баерн Минхен минатото лето и досега има постигнато 64 голови на 62 натпревари за славниот германски клуб. Тој е најдобриот стрелец во историјата на англиската репрезентација (69 голови на 103 натпревари) и во историјата на Тотенхем (280 голови на 435 натпревари), како и вториот најдобар стрелец во историјата на Премиер – лигата (213 голови на 320 натпревари). Сега, Кејн е и рекордер во Бундеслигата, но во неговата кариера сè уште нема освоено ниту еден трофеј, иако постигнал вкупно 440 голови.
