Централниот дефанзивец на Ал-Наср, Еjмерик Лапорт, зборуваше за гласините за интересот кон него од европскиот клупски шампион Реал Мадрид. Неодамна се појавија информации дека 30-годишниот одбранбен фудбалер може да биде одлично решение за пополнување на празнините поради повредата на клучниот дефанзивец на „кралевите“, Едер Милитао.
„Очигледно би прифатил повик од Реал Мадрид. Интересот на таков клуб не може да се игнорира. Убаво е да се види дека ваков клуб се интересира за мене. Сепак, не сум толку добро информиран за тоа, иако е навистина убаво“, изјави Лапорт, цитиран од шпанското издание „El Larguero“.
Лапорт пристигна во Ал-Наср од Манчестер Сити во август 2023 година и има договор до летото 2026 година. Неговата вредност изнесува околу 20 милиони евра.
Оваа сезона Лапорт одигра 15 натпревари за Ал-Наср во сите натпреварувања и постигна три гола.
