Македонските интернационалци овој викенд се навистина голгетерски расположени. Даниел Аврамовски беше двоен стрелец за Болоспор и херој на тимот во триумфот од 1-2 на гости против Истанбулспор во Втората лига на Турција.
Тој погоди двапати за три минути и го нокаутираше домашниот тим. Го отвори резултатот во 14.минута, а две минути подоцна уште еднаш ја затресе мрежата на Истанбулспор.
Ердон Даци вчера постигна неверојатен гол за Дајнзе на дуелот против Моленбек. Повремениот македонски репрезентативец постигна погодок буквално од половина терен.
