Јувентус размислува за можноста да го врати дефанзивецот Даниеле Ругани од Ајакс. Во моментот, 30-годишниот играч е на позајмица во холандскиот гигант, но во договорот нема опција за откуп и тој може да биде еднострано раскинат од страна на клубот од Торино, доколку тие одлучат.
Причината за ваквата одлука е повредата на главниот столб во одбраната на Јуве, Глејсон Бремер. Бразилецот ги скина лигаментите на коленото и ќе го пропушти остатокот од сезоната. Затоа клубот размислува дали да ангажира друг играч или да го врати Ругани, кој е нивен играч.
Сепак, агентот на играчот, Давиде Торчија, гледа скептично на оваа можност. Според него, Ругани ќе остане на „Јохан Кројф Арена“ до крајот на сезоната.
„Навистина верувам дека Ругани ќе продолжи да игра за Ајакс. Не мислам дека неговото враќање е нешто што Јувентус го разгледува, не само од техничка перспектива, туку и поради фактот дека клубот има други идеи за својот развој“, изјави агентот за „Juventusnews24“.
