Рома го смени тренерот, што резултираше со позитивен ефект врз тимот, кој на домашен терен забележа убедлива победа од 3-0 против Удинезе. Иван Јуриќ го презеде водството од Даниеле де Роси, а римскиот клуб му го нанесе првиот пораз на Удинезе оваа сезона.
Ова е, исто така, првата победа за Рома во Серија А оваа сезона.
Артем Довбик го отвори резултатот во 19. минута, а Пауло Дибала реализираше пенал на почетокот од второто полувреме. Третиот гол го постигна Томасо Балданзи во 70. минута.
