По пет одиграни кола во Првата фудбалска лига, Силекс и Гостивар имаат по девет бодови, а утре ќе ги одмерат силите во Кратово.
Дефанзивецот на Силекс, Иван Шуберт, верува дека неговиот тим може да ја продолжи убавата сериоја од три победи во низа, две во првенството и една во Купот, и дека може да стигне до триумд и против Гостивар.
„Што се однесува до натпреварот со Гостивар, мислам дека ни претстои тежок натпревар против квалитетен противник. Онаа победа на гости против Воска ни значи многу и мислам дека во моментов сме во добар ритам и се надевам дека победничката серија ќе продолжи и во недела. Генерално, задоволен сум од досегашниот тек на сезоната, можеби заслуживме уште некој бод, но доколку продолжиме во овој ритам се надевам дека ќе биде успешна сезона“, изјави Иван Шуберт.
