Фудбалерот за врска на Манчестер Сити, Родри, зборуваше на темата за номинациите за „Златната топка“. Шпанецот се смета за еден од фаворитите за признанието, заедно со голгетерот на Реал Мадрид, Винисиус Жуниор.
„За мене би било сон да ја освојам Златната топка, тоа би било извор на гордост. На улица ми велат: ‘Ќе ја освоиш Златната топка, ја заслужуваш’. За мене тоа значи дека веќе сум победник“, изјави Родри, цитиран од „ЕСПН“.
На 4 септември, „Франс Фудбал“ го објави списокот со 30 кандидати за признанието. За првпат од 2003 година, меѓу номинираните не се напаѓачите Кристијано Роналдо (Ал-Наср, Португалија) и Лионел Меси (Интер Мајами, Аргентина).
