Фудбалерите на Реал Мадрид викендов гостуваат кај Реал Сосиедад, а Карло Анчелоти има нови кадровски проблеми.
Уште во август се повредија Џуд Белингам и Едуардо Камавинга, а сега надвор од терените е и Аурелиен Чуамени.
Французинот заработи полесна повреда за време на репрезентативната пауза, наскоро ќе се врати на терените, но нема да биде подготвен за гостувањето во Сан Себастијан.
Тоа значи дека Карло Анчелоти ќе мора да се потпре на Лука Модриќ, Федерико Валверде и Дани Себалјос или Арда Ѓулер во средниот ред.
Натпреварот Реал Сосиедад – Реал Мадрид е закажан за в сабота од 21 часот.
