Напаѓачот на Реал Мадрид, Килијан Мбапе, ги коментираше споредбите со поранешниот напаѓач на тимот Кристијано Роналдо. Репрезентативецот на Франција ги постигна двата гола во победата од 2-0 над Бетис, но претходно имаше притисок поради тоа што неговите голови се очекуваа многу порано.
„Тоа не е тензија, тоа е фудбал. Кристијано е мојот идол, но јас сум Килијан. Единствениот притисок врз мене е потребата да се прилагодам на тимот“, изјави Мбапе.
Тој погоди за водство по одличната асистенција од Валверде, а потоа реализираше и пенал за триумф од 2-0.
