Капитенот на Ливерпул, Вирџил ван Дајк, беше исклучително среќен поради успехот над Манчестер Јунајтед во натпреварот од третото коло на Премиер – лигата. „Црвените“ го добија дербито со 0-3, покажувајќи одличен фудбал и можеа да го декласираат противникот и со поубедлив резултат.
„Требаше да победиме со 5-6 голови разлика. Доминиравме и требаше да постигнеме повеќе голови. Но, да, да победиш со 0-3 е секако големо остварување на вакво гостување,“ изјави Ван Дајк.
Ливерпул и Манчестер Сити се единствените екипи кои досега ги добија сите натпревари од почетокот на сезоната во Премиер – лигата.
