Тиквеш сака да го победи главниот ривал среде Штип и да се врати во игра за првото место на табелата во Втората лига Исток. По „киксот“ на домашен терен против Кит Го, сега Брегалница им побегна пет бода на кавадарчани. Останаа и без тренерот Раде Цицмиловиќ кој поднесе оставка по тој пораз.
Но, штипјани имаат друг план. Со триумф ќе побегнат на +8 и ќе имаат навистина топла зима во трката за првата позиција и пласманот во елитата.
Кит Го осоколен по победата над Тиквеш на домашен терен ја пречекува Каменица Саса, а интересна ќе биде и локалната пресметка меѓу Слога Виница и Осогово. Росоман е домаќин на Плачковица, додека Победа ќе ги одмери силите со составот на Кожуф.
