Арсенал сериозно размислува за можноста да го доведе крилниот напаѓач на Баерн Минхен, Кингсли Коман, во последните денови од летниот трансферен прозорец. Менаџерот на „топчиите“, Микел Артета, сака да ги засили крилните позиции и го посакува токму 28-годишниот француски репрезентативец.
Сепак, Коман нема да биде евтин трансфер за Арсенал, особено бидејќи има силна понуда од саудискиот клуб Ал-Хилал, која ја разгледува. Баерн е подготвен да се раздели со него, бидејќи Коман е меѓу најплатените играчи во клубот, а и самиот играч размислува за заминување.
Баерн, исто така, се надева дека Коман брзо ќе го донесе своето решение, за да можат да се насочат кон нови засилувања, потенцијално во дефанзивата со трансфер на Џонатан Тах од Баер Леверкузен.
