Напаѓачот на Јувентус, Душан Влаховиќ, нема да игра за Србија на почетокот на Лигата на нации против Шпанија и Данска.
Србија ќе го има својот дебитантски натпревар во А-дивизијата на Лигата на нации на 5-ти септември, кога ќе го пречека европскиот шампион Шпанија на стадионот на Црвена звезда, а три дена подоцна ќе гостува во Копенхаген против Данска.
Влаховиќ ја објави оваа информација преку “стори” на својот Инстаграм профил.
„Денес го известив стручниот штаб дека поради семејни причини нема да бидам во можност да се оѕвам на поканата од селекторот за претстојните натпревари на Лигата на нации против Шпанија и Данска“, напиша Душан Влаховиќ на Инстаграм.
Главното прашање што ја окупира српската фудбалска јавност е дали ова не е некоја нова афера и дали Влаховиќ ќе биде на располагање на селекторот Драган Стојковиќ за натпреварите во октомври.
