Хамес Родригез е нов играч на Рајо Ваљекано. Триесет и тригодишниот колумбиски фудбалер денесја официјално е претставен како ново засилување на мадридскиот клуб.
Тој доаѓа во редовите на шпанскиот клуб како слободен играч од бразилскиот Сао Паоло, каде што настапуваше последната сезона.
Иако имаше забележлив пад во кариерата, Хамес Родригез беше најдобар играч на последната Копа Америка и покажа дека сè уште е класа.
Тој ја започна својата кариера во Енвигадо, од каде во 2008 година се пресели во аргентинскиот Банфилд. Потоа, во 2010 година, Порто го купи за 7,35 милиони евра, а три години подоцна го продаде на Монако за 45 милиони евра.
На Светското првенство во 2014 година во Бразил блесна, беше најдобар стрелец и го постигна познатиот гол против Уругвај, за кој ја освои наградата „Пушкаш“. Истата година, Реал Мадрид го донесе за 75 милиони евра.
Три години подоцна замина на позајмица во Баерн Минхен за да ја оживее својата кариера, а истото се обиде и во Евертон, Ал-Раjан, Олимпијакос, но без успех.
Изгледа дека конечно се врати на патот на старата слава, и ќе видиме колку ќе може да му помогне на Рајо оваа сезона.
