Реал Мадрид го победи Валјадолид со 3-0 на „Сантијаго Бернабеу“. Сепак, не беше толку лесно како што покажува конечниот резултат.
Сите чекаа гол од Килијан Мбапе на неговото деби на домашен терен, но тоа не му успеа. По првото полувреме кое заврши без голови, Федерико Валверде го отвори резултатот во 50.минута. Останатите два гола паднаа дури откако Анчелоти ги повлече Родриго, Винисиус Жуниор и Мбапе.
Брахим Дијаз во 88.минута зголеми на 2-0, а младиот Бразилец Ендрик кој играше само неколку минути, во последните мигови, 96.минута, го постигма дебитантскиот погодок во дресот на „кралевите“.
