Македонскиот репрезентативец Бојан Миовски ја имаше првата прес – конференција како нов член на Џирона. Претставен е како квалитетен напаѓач и македонски репрезентативец од кого се очекува многу во тековната сезона.
„Ова е одлична шанса за мене, дојдов во навистина голем клуб, во една од најдобрите лиги во светот и ќе играм со Џирона во Лигата на шампионите. За ова секој фудбалер тренира од мали нозе, се надева дека еден ден ќе ги исполни своите соништа. Се запознав со соиграчите, се приклучив на тренинзите, имаме одличен тренер со кого имав неколку разговори и подготвен сум да дадам сѐ од себе за да ги исполниме целите на клубот. Се надевам дека добро ќе ја вршам мојата работа, а тоа е да постигнувам голови“, изјави Бојан Миовски.
