Прилепскиот второлигаш Победа вчера ги стартуваше зимските подготовки за вториот дел од сезоната во Втората лига Исток. Целиот тек од тренажниот процес ќе се одвива во Прилеп, а најважно е што тимот конечно се враќа дома и натпреварите ќе ги игра на реновираниот Градски стадион.
Од денеска фудбалерите тренираат двапати дневно, а во план е одигрување на неколку подготвителни натпревари. Набрзо ќе бидат познати и имињата на противниците. Клубот е во преговори и со неколку фудбалери како потенцијални нови засилувања.
