Пари Сен Жермен го објави доведувањето на Жоао Невеш од Бенфика. Францускиот шампион ќе плати 60+10 милиони евра. Дел од договорот ќе биде и Ренато Санчес, кој се враќа во Португалија и ќе игра во Бенфика на позајмица следната сезона.
Договорот на Невеш е за пет сезони. 19-годишниот талент е дефанзивен играч од средниот ред. Тој е репрезентативец на Португалија и беше дел од тимот за ЕВРО 2024, играјќи во последниот натпревар од групната фаза, кој го загубија од Грузија со 0-2.
Првично, откупната клаузула на Бенфика беше 120 милиони евра, но Французите беа категорични дека нема да платат толку. На крајот беше постигнат договор.
