Селекторот на репрезентацијата на Швајцарија, Мурат Јакин, призна дека Англија има врвна класа, но вети дека неговиот тим ќе се потруди да им направи многу проблеми во денешното четвртфинале на ЕП 2024.
„Тие имаат многу класа, но и ние сме во многу добра форма. Веруваме во нашата сила и можности. Токму тоа го покажавме досега. Тоа се виде и против шампионите од минатото првенство, Италија“, изјави Мурат Јакин.
Швајцарците во осминафиналето ја совладаа Италија со 2-0, додека Англија имаше екстремно тежок меч и на драматичен начин со 2-1 ја елиминира Словачка после продолженија.
„Не можам да ја потценам Англија. Тие одиграа добро, но исто така видоа како и ние игравме многу силно. Подготвени сме за овој натпревар. Не е важен нивниот настап во првенството досега. Тие се во четвртфиналето. Тие секогаш можат да го повредат својот противник бидејќи се исклучително квалитетни и елегантни. Мора да се браниме многу добро. Веќе докажавме дека можеме да го правиме тоа“, додаде Мурат Јакин.
