Младинскиот репрезентативец Матеј Ангелов го напушта Работнички и се сели во Украина. Во новата сезона тој ќе биде член на украинскиот прволигаш ЛНЗ Черкаси.
Според договорот меѓу клубовите, Ангелов во претстојната сезона ќе биде позајмен играч во украинскиот клуб, кој потоа ќе има опција да го откупи комплетно неговиот договор.
Ангелов веќе неколку сезони е стандарден првотимец на Работнички, иако за неколку дена ќе наполни 20 години. Тој е член на репрезентацијата на Македонија до 21 година.
