Шампионот Интер со гостувањето кај Џенова ќе ја започне одбраната на титулата во Серија А. Ова одлучи денеска ждребот за новиот шампионат во Калчото.
Првенството започнува викендот на 17/18 август. Во првото коло нема дерби, Јувентус е домаќин на Комо, а Милан на Торино.
Истото може да се каже и за вториот круг, но од третиот станува поинтересно. Во него влегуваат дуелите Јувентус – Рома и Лацио – Милан. Првата битка меѓу Милан и Интер е закажана за петтото коло кога ќе има и дуел меѓу Јувентус и Наполи.
„Дерби Д’Италија“ меѓу Интер и Јуве е во 9. коло.
Новата година ќе започне со гладијаторскиот натпревар за Рим меѓу Рома и Лацио (4/5 јануари, 19. коло).
Првенството ќе заврши на 25 мај 2025 година.
