Репрезентацијата на Франција е петтиот четвртфиналист на Европското првенство откако во денешниот осминафинален дуел ја совлада Белгија со 1-0.
Решавачкиот момент се случи во 85.минута. Рандал Коло Муани се одлучи на шут, топката удри во Вертонген и заврши во мрежата на Белгија.
Белгијците можат да жалат за можностите на Де Бруин, Караско и на Лукаку, но, сепак, Франција оди понатаму и го чека подобриот од дуелот Португалија – Словенија во четвртфинална битка.
