Најдобриот голман на актуелното Европско првенство, Георги Мамардашвили, ќе биде еден од главните актери на летниот преоден рок.
Одличниот грузиски чувар на мрежата блескаше на сите четири натпревари на својот национален тим, оствари најмногу одбрани и го привлече вниманието на јавноста. Неколку клубови се распрашуваат, а се зборува и за повторен интерес од Баерн, кој го сакаше и пред една година. Сепак, Мамардашвили не е за преселба во Минхен.
Не затоа што не му се допаѓа повикот, туку затоа што верува дека Мануел Нојер сè уште е неприкосновен.
„Баерн сè уште го има најдобриот голман на светот и во моментот не е можно да одам таму. Ќе отидам само таму каде што ќе играм. Во спротивно, трансферот нема да се случи“, изјави Мамардашвили, кој брани за Валенсија, каде од ова лето е и Столе Димитриевски.
За него наводно се интересира и Челси, но и неколку други гиганти, а цената му е околу 40 милиони евра.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal