Ален Јашароски е ново засилување на Силекс

Искусниот напаѓач Ален Јашароски кој ова лето замина од Воска Спорт, многу брзо пронајде нов клуб. Тој е нов член на македонскиот прволигаш Силекс.

Кратовскиот клуб предмалку и официјално го потврди новото засилување. Тој му се придружува на Илија Донов, кој претходно им пристапи на кратовци.

Тренерот Александар Васоски денеска ја одржува и првата прозивка на фудбалерите за старт на летните подготовки за новата сезона.