Бразилецот Витор Алберто Алвеш Рибеиро е новиот напаѓач на освојувачот на Купот на Македонија, тимот на Тиквеш.
Клубот од Кавадарци официјално го објави потпишувањето на договорот со Витор, кој за првпат ќе игра надвор од Бразил. Досега, тој настапувал за неколку локални бразилски екипи, а минатата сезона ја помина во тимот на Ривер АЦ.
За Тиквеш, ова претставува значително засилување на напаѓачката линија пред претстојните европски натпревари. Покрај Витор Алберто, во текот на денот се очекува клубот да објави уште две нови бразилски засилувања.
