Македонскиот фудбалски репрезентативец Александар Трајковски на одличен начин ја затвори сезоната во дресот на Хајдук Сплит. Тој се прости со хет-трик во триумфот од 2-5 на гостувањето кај Локомотива Загреб.
Трајковски ги постигна првите два гола за Хајдук во 18. и во 38. минута, а потоа погоди и во 72.минута од дуелот.
Хајдук Сплит, сепак, оваа сезона рано се откажа од трката за титулата, а двојната круна му припадна на Динамо Загреб, за кој играат Аријан Адеми и Стефан Ристовски.
