Бомбастичното интервју на Ромелу Лукаку дека „не е среќен во Челси“, веднаш ја подигна до максимум атмосферата на Апенините. Можно ли е Белгиецот да се врати во Интер во зимскиот преоден рок, е прашањето што си го поставува цела Италија.
„Не сум среќен во Челси, Тухел одбра поинаков стил на игра, но јас не се предавам“, порача Лукаку.
А тоа веднаш ги возбуди страстите на „Џузепе Меаца“. Интер сака да ја одбрани титулата, а во осминафиналето од Лигата на шампионите ќе има двомеч против Ливерпул. Симоне Инзаги ги има Лаутаро Мартинез, Един Џеко, Хоакин Кореа и Алексис Санчез, но да се врати Лукаку, тоа секако е друга димензија.
Директорот на Интер, Пјеро Аусилио, уште еднаш го даде истиот одговор како и пред неколку недели, за можното враќање на Лукаку.
„Можно е да се врати, на позајмица, секако“, изјави Аусилио.
