Реал Мадрид загуби дома од Алавес (1-2) и го одигра најлошиот натпревар од стартот на сезоната. Тоа го потврдува и тренерот Зинедин Зидан кој вели дека тимот нема агресивност и желба за надигрување.
„Игравме катастрофално, очајно лошо. Ова е најлошиот почеток на сезоната што сме го имале, и резултатски, но уште повеќе со игрите што го прикажуваме во Ла Лига. Јас како тренер ја преземам одговорноста и ќе мораме нешто сериозно да менуваме“, изјави Зинедин Зидан.
Реал Мадрид по десет одиграни кола се наоѓа на четвртата позиција со 17 бода, шест помалку од водечкиот тандем, Реал Сосиедад и Атлетико Мадрид.
