Португалскиот стратег Жозе Мурињо ќе биде нов тренер на турскиот гигант Фенербахче. Тој постигнал договор со раководството на клубот за двегодишна соработка, со опција и за трета сезона.
Мурињо подолг период беше трансферна цел на Фенербахче, медиумите известуваа дека потајно се водат преговори, а сега веќе е јасно дека договорот е постигнат и наскоро треба сѐ да биде официјализирано.
Мурињо имал долг разговор и со Един Џеко кој го носеше дресот на Фенербахче изминатата сезона.
Фенербахче ја загуби трката за титулата со Галатасарај и сега ангажманот на Мурињо е одговор на овој турски гигант дека следната сезона ќе се атакува на сите трофеи.
Пред Рома, Мурињо работеше во Тотенхем, Манчестер Јунајтед, Челси, Реал Мадрид, Интер и Порто. Ја освои Лигата на шампионите со Интер и со Порто, има три титули во Премиер – лигата, една во Ла Лига и четири признанија за тренер на годината.
