Дојде од Атлетико Мадрид на позајмица во Барселона и го потопи „својот“ клуб. Жоао Феликс му пресуди на мадридскиот клуб во дербито на колото во Ла Лига и донесе важен триумф (1-0) за Барселона.
Португалецот успеа да донесе водство за Барселона во 28.минута, на асистенција на Рафиња.
До крајот на првиот дел, Рафиња и Левандовски имаа убави шанси да го удвојат водството, а Жоао Феликс во 43.минута уште еднаш се најде во голема можност за погодок.
Во второто полувреме, Алваро Мората и Мемфис Депај се обидоа да донесат израмнување, но не успеаја.
