Жерар Пике би можел да замине од Барселона во Атлетико Мадрид, тврди каталонскиот весник „Спорт“. Тренерот Диего Симеоне, сака да го види искусниот дефанзивец во својот тим и ќе направи се што е можно за да го ангажира во наредните месеци.
Пике не е задоволен од малата минутажа која ја добива во Барселона. Во сезоната 2022/23, тој има само еден првенствен натпревар и едно полувреме во Лигата на шампионите.
Поранешниот шпански репрезентативец Жерар Пике е подготвен да го раскине договорот потпишан во октомври 2020 година под водство на претходниот претседател на клубот, Жозеп Бартомеу. Договорот меѓу двете страни е со важност до крајот на јуни 2024 година, а според него дефанзивецот треба да добие најмалку 28 милиони евра.
