Младиот фудбалер на Ливерпул, Стефа Бајчетиќ, ќе паузира до крајот на сезоната. Менаџерот Јирген Клоп пред реваншот со Реал Мадрид објави дека Бајчетиќ нема да игра поради повреда, но денеска стигна многу полоша информација дека тој нема да може да игра до крајот оваа сезона.
„За жал, заработив повреда поради која оваа сезона предвреме заврши за мене. Секако дека сум тажен, но и свесен сум дека тоа е дел од фудбалот и само ќе ме направи посилен, како на физички, така и на ментален план за во иднина. Сакам да се заблагодарам на сите за поддршката што ја добивав во текот на сезоната, ве уверувам сите дека ќе дадам се од себе за да се вратам уште посилен“, објави Стефан Бајчетиќ.
