Актуелниот шампион Струга ТЛ ја загуби првата позиција на табелата откако забележа два порази во низа со идентичен резултат (2-3). Прво стружани загубија дома од Силекс, а вчера беа поразени и од Тиквеш во Кавадарци.
Алармот во Струга свети црвено, а цехот го плати тренерот Шпетим Дуро. Клубот информира дека спогодбено е раскинат договорот со шефот на стручниот штаб Шпетим Дуро. Во наредните денови ќе биде познат и новиот стратег кој ќе се обиде во последните три кола да ја задржи шампионската титула во Струга.
