Струга Трим Лум со реми (1-1) на гости против Академија Пандев го стартуваше новиот шампионат на Македонија. Тимот на Срѓан Захариевски поведе со голот на Емир Скендери во првиот дел, а израмни Мартин Мирчевски на почетокот на второто полувреме.
Шефот на стружани смета дека тимот може и многу подобро, но, сепак, задоволен е од бодот во Струмица.
„Натпреварот не го одигравме на посакуваното ниво, но сепак сме задоволни од бодот, иако водевме по првото полувреме. Верувам дека сите гледачи што присуствуваа на стадионот, видоа една добра фудбалска претстава за наши услови”, потенцира Захариевски.
