Англискиот премиерлигаш Вулверхемптон постигнал договор со Португалецот Витор Переира да стане нов тренер на клубот, по отказот на Гери О’Нил, информираше „Скај Спортс“.
Переира моментно е тренер на саудискиот клуб Ал-Шабаб, кој се наоѓа на шестото место во Саудиската Про Лига. Неговите претходни тренерски ангажмани вклучуваат работа во Фламенго, Фенербахче, Олимпијакос, Порто.
Вулверхемптон го отпушти О’Нил во неделата по неуспешната серија која ги остави во зоната за испаѓање од Премиер – лигата.
Вулверхемптон се договори со Ал-Шабаб за отштета и ги договори личните услови со Переира, при што се очекува 56-годишниот стратег да потпише договор на една и пол година.
