Втора лига Запад: Воска Спорт убедлива, Силекс исто така, Вардар без голови против Кораби (ФОТО)

Најтрофејниот македонски клуб Вардар без засилувањата, кои не беа регистрирани навреме за да можат да настапат на второлигашката премиера, ремизираше без голови против Кораби во Дебар. И тоа е херојско дело за младиот тим на вардарци.

Силекс лесно излезе на крај со Кадино на гости и славеше со 0-3. Стојчевски, Манасиевски и Алиу беа стрелци на головите за составот на Горазд Михајлов.

Воска Спорт го декласира Гостивар на гости со 0-4. Гостивар од 32.минута играше со фудбалер помалку поради исклучувањето на Лавдрим Скендери, а Воска Спорт тоа знаеше да го искористи и славеше со 0-4. Првите два гола беа дело на Изаир Емини и на Шпенд Асани, а потоа стрелаа и Бехар Фета и Арбнор Каба.

Убедлив беше Охрид Лихнидос и го декласира новиот второлигаш Беса со 4-1. Игор Клечкароски постигна два гола за охриѓани, а стрелаа и Борјан Пановски и Виктор Наумовски.

Тетекс ја совлада Велешта со 2-1. Александар Поповски и Нинослав Здравкоски беа стрелци на головите за „текстилците“, а за Велешта погоди Агон Хајредини.

ВТОРА ЛИГА ЗАПАД, ПРВО КОЛО – РЕЗУЛТАТИ

Кадино – Силекс 0-3

Кораби – Вардар 0-0

Охрид Лихнидос – Беса 4-1

Гостивар – Воска Спорт 0-4

Тетекс – Велешта 2-1