Втора лига Запад: Силекс на гости во Тетово, Вардар со нов тренер ја пречекува Беса

Силекс неприкосновено го чува го врвот во Втората лига Запад, а денеска ќе биде на големо искушение со гостувањето кај Тетекс. Ќе биде тоа посебен меч за тренерот Горазд Михајлов кој во минатото беше на клупата на „текстилците“ и има убави спомени.

Вардар има нов тренер, Никола Глигоров, кој го наследи Горан Симов по слабиот старт на „црвено-црните“, а огненото крштевање ќе го има против Беса на стадионот во Маџари.

Гостивар на домашен терен го пречекува Охрид Лихнидос, а Воска Спорт ќе има дуел против Велешта. Во Дебар, Кораби ќе биде домаќин на Кадино.

Натпреварите почнуваат во 15 часот.