Втора лига Запад: Силекс го брани Кратово од Воска, Вардар на гости во Велешта

Силекс е на врвот на табелата во Втората лига Запад со максимални девет бода по три кола, а има намера да остане таму и по денешниот дерби дуел против Воска Спорт во Кратово. Тимот на Горазд Михајлов покажа дека има голем квалитет за ова второлигашко друштво, но и Воска набрзина состави респектабилен тим кој се надева дури и на влез во елитата. Сепак, тимот на Раде Цицмиловиќ по поразот од Вардар ќе треба сега да покаже многу повеќе на гостувањето во Кратово.

Вардар влезе во победнички ритам, а денеска има мисија да освои три бода на гости против Велешта. Нема да биде ова лесно гостување, со оглед дека домашниот тим се засили со Нијас Лена и со Стојанче Велинов ова лето.

Охрид Лихнидос на домашен терен го пречекува Тетекс, Кадино е домаќин на Гостивар, а Беса ќе игра против Кораби.