Се вжештува до максимум атмосферата во Втората лига Запад. Гостивар го напаѓа домот на ФК Скопје и ако сака да размислува за врвот, тогаш мора да ја освои „Автокоманда“. А тоа нема да биде нималку лесно, затоа што Скопје игра во одлична форма. Големата пресметка ќе го обележи 15.коло во западната второлигашка конкуренција.
Велешта оди на гости кај Дрита, Велазерими е домаќин на Тетекс, а Вардар Форино ќе го пречека составот на Охрид Лихнидос.
Кадино без тренерот Марјанчо Андрески ќе се обиде да дојде до трите бода против Кораби.
