Пелистер ја совлада Победа со 1-0 во дербито на Пелагонија, па остануваат маките за прилепчани околу опстанокот.
Ѓорѓуи Танушев беше беше стрелец на погодокот за минимален триумф на Пелистер постигнат во 66.минута од дуелот.
Беса одигра без голови на домашен терен против Башкими, а и Детонит Плачковица одигра 0-0 на гости кај Кожуф во Гевгелија.
Каменица Саса славеше убедливо (0-3) на гости против Караорман со головите на Ајрули, Бекир и Николовски, а Тетекс го победи Охрид со 2-1 и ги задржа шансите за директен опстанок во второлигашката конкуренција. Амити и Станковски беа стрелци за „текстилците“.
Осогово ремизираше 2-2 на гости кај Арсими. Цуцули и Рамадани донесоа водство од 2-0 за Арсими, но гостите израмнија со погодоците на Дојчинов и на Манов.
Вардар Неготино го совлада Новаци со 2-1 со головите на Зумровски и на Хасан. За гостите погоди Јовановски.
Беласица ремизираше 2-2 на гости против ФК Скопје на „Автокоманда“. Стрелци за струмичани беа Јовов и Михолов.
